Ҳофизи Абру (1362–1430) Темурийлар сулоласининг тарихчи ва географи Ҳофизи Абру Ҳирот шаҳрида туғилган. Ҳаёти давомида кўплаб саёҳатларга чиққан, Евроосиёнинг Ҳиндистондан то Шомгача бўлган ерларини, Кавказ ва Россиянинг кўплаб вилоятларини кезган. Унинг ўзи бу ҳақда шундай ёзиб қолдирган «Йироқ сафарлар асносида Мовароуннаҳр, Туркистон, Дашти Қипчоқ, Хуросон, Ироқ, Озарбойжан, Эрон, Муғон, Гуржистон, Катта ва кичик Арманистон, Рус ва Шом ерларининг барчасини, Фрот дарёси соҳилларини, Хазар соҳилларини, Қобулни, Мўлтонни ва Ҳиндистонни кўрдим».